حيـــــوا والله بالهـــرج المـكــــاوي ....

سلاااااااااااااااااااااااااااام للغالييين اهل مكه وغيرهم طبعا

جبت لكم كلاااام مكاااوي يجننن << احم انا مكاويه

قوام = بسرعة << هذي الكلمه انا اقولها خخخخخخ

حُقْ = علبه

بلكن = يمكن

مصرفدة = مستعجلة

دولا أو دُولْ = هؤلاء أو هم

أمزع رقبتك = أخلع رقبتك

داير مايدور = حولين الشيء

دغري = على طول

امصع أدنك = يعني أجرها

مخمج = معفن

جغمه = شفطه من الشراب

وي = للتعجب << عاد هذي دااااااايم في لساني هع هع

الدحديرة = النزلة

ناوليني = أعطيني

ازهميلي= نادي لي

زنبيل = الكيس

دحين = الآن

يا واد = ياولد << هذي الكلمه مررره اكرهها

الصمرقع = الجنان

وخرلو = ابتعد عنه

اترينو = غصبنوا = عشان كده

سكر المحل = قفل

اشبك = ماذا بك

سيبوا = اتركوه

بسط المحل = فتح

أندر = اخرج

أفرشك فرش = أضربك ضرب

خوتني = طفشني جبلي الصداع

افتر= اهجد

عساك بالطافوح = عساك بالسم

توايق = تطالع

حزر = توقع

شطيطة = تصغير شطه

قصرو = اختصار الشيء أو الزبدة

محزقر= ضيق

ضرحرح = التعب أو القرف منك

ايشكلو = إيش هوا

دحلسة= تملق وتقرب لأخذ شئ ما

قنله = تنوره

كُرته = فستان

زي البرمان = بسرعه

قرينه = جنيه

كندره = صرمه = جزمه

ورمت وبقبقت = بعيد عنكم أتنفخت

أتعتع = أتحرك

عازه = حاجه

مزبرقة = مزينة

أستكري تكسي = أستاجر تكسي

بطران = ما يحمد ربه

الهجاج = الجنان

يحقلو = يحق له

تليك = مداس

يبكشوا = يكدبوا

زهمني = ناداني

طراحه = ليانه = فرشة = فراش

لطشتوه = ضربتوا

حلنّي أو استنيني = يعني موت ياحمار

بوز = فم <<< هههههههههههههههههههههه

اتلبخت = ارتبكت أو أنشغلت

مقرحف = ناشف

اتشعبط = أتسلق

الدويان = الأدوية

أهبط = قر = اقعد عاقل

دلكي النحاس = غسلي الصحون

شبطة = لصقة

متاكه = مجاغه = واحد دمه ثقيل

حُق المناديل = علبة المناديل

خِف = قوامن = أستعجل

في قلب العدو = تقال عند ذكر أمر سيء << والله صح

والله عال = عجيب << يا عيني على اهل مكه

بحلقت = فتحت عيني بقوة

اتاري = لها معنيين الأول كمبيوتروالتاني لما يقولك آآآآآه اتاري الهرجه كدااا

صُكّر = سكر

خمشتوا = قرصتوا = لميتوا

كونديشن = مكيف

فارقي= انقلعي= روحي

باينلو = باين عليه

كدش = الشعر الكثيف المخربط

مخدة = وساده

تكرونيه بيضه = لمن البزره تقعد تكلج في الهرجه يقولولها تكرونيه بيضه << لالالا والله هذي اول مررره اعرفها خخخخخخخ

ما بلعتو من زور = ما عجبني

جلاله = سجادة

اتقيت = لقيت

استيته = الأخت الكبرى << احم فينا احترام خخخخخخ

بكرج = براد الحليب

سيدى = الأخ الأكبر << ما اقلكم فينا احترام للكبير

أقيد الرقم = اسجله

متصربع = مستعجل

مرعته = يعني زادت أمه في دلعه

الحبرتي = الحونشي = الأهيم

ما صفطناكم = ما شبعنا منكم

ليانه= طراحه = فراش

رجه = صقعه

زي الملوينه = حركته كثيرة

كراويته= زي البطرمبة من خشب و مرتفعة

غيرت حجر الساعة = يعني غيرت بطارية الساعة

يستغر = يعتمد

برمان = دوران

داعتو = أشوى أو أحسن

أديلو علقه = افرشوا = عاقبه

الكرباج = السوط

أتلحف = أتغطى بالبطانية

اصنصير = مصعد

الهرجة = الموضوع

اهبدك = تهديد << والله لاهبدكم يا اعضاء خخخخخخخخخ




انشاء الله عجبتكم الكلماااااااااااااات اكيييد تجنننن انا عارفه

سي يوو ..

هههههههههه
كلامكم غرييييييييييب

يسلمووووووووووووووووووووووووووو رغوووودي اكيييييييد أهل مكة و هرجهم عسسسسسل وانا منهم يسعدهم ربي

و الله كلامنا يجنننننننننننننننننننننننننننننننننننن


امممموووووووووووووووووووووواه لأهل مكة كلهم

مشكووووووووورة ياعسل ع الطرح الرائع
من جد كلاامنا جناااااااااااااااااان
يسلمووووووووووو فكرتيني بكلمات كنت ناسيتها
تقبلي مروري

والله من جد كلامنا فلللللللللللللة


مشكورين ع احلى مرور

فيه كمان كم كلمه اتذكرتها :

سندويشتات = ساندوتش

مركب = مطبخ

بيت الراحه = التوليت ( أكرمكم الله )

دوسي = أضغطي

ياسلام علي مكه وأهلها الله يسعدهم ولا يحرمني منهم ومهما قالوا في كلامهم يبقي عسل وحلو علي قلبي

يسعدنااااااااااااا يا ناااااس والله كلامنا يجننننن ......
طبعا مو كل الكلمات دحين نقوولها بس لحد دحين اهلنا يقووولوووه ..
اهم شي يا رغوودي الجغمه ركزي عليها مررره >>>
يسلموووووو يا عسل عالموضوع..