بسم الله الرحمن الرحيم
يوميااااااااااات
الدفشه والرومنسيه
المشهد الأول
الأم تدخل على بنتها رنيم
يمه يابعدي قومي صارت الساعه 10
رنيم:صباح الخير يمه ابشري بقوم الحين
تقوم عاد رنيم من السرير وتشيل الأرنوب والدبدوب اللي منومتهم معها وتحطهم على الكومدينا
وتفتح الستارة والشباك علشان الغرفة تتنفس وتشغل موسيقى رومانسية علشان
يكون الجو رايق
وتروح تاخذ حمام محترم وبعد ما تطلع من الحمام
على طول تروح للمرايه وتحط من الكريمات واللوشن عشان البشرة
المشهد الثاني
الام تدخل على بنتها حصه
قومي يالخبلة صارت الساعه 10
حصه : افففففففففففففففف طيب طيب بقوم
تقوم عاد حصه وتجلس شوي على السرير تحك شوشتها وبعدين تنزل من السرير وتزلق بكيس الشبس وقوطي الميرندا اللي ماكلتهم البارح
اخوها الصغير دخل عليها: قومي تأخرتي ...
حصه: اقول اطلع ولا ترا برميك من الشباك على حوش الجيران
تقوم عاد حصه وتغسل وجهها وتكد شعرها لين علق المشط بالشوشه وصار يبيلة رقم سري عشان ينفك منها
الفطور
الام جالسه على سفرة الفطور
شوي وتنزل رنيم وهي لابسه بنطلون جينز وبلوزه
وتقعد تفطر(عصير فريش ودونات)
نزلت بعدها حصه وهي لابسه قميص بني مقلم باصفر وتحته سروال خط البلده
وتقعد تفطر( سندوشتات وبيبسي على بكرة الصبح)
المهم
بعد الضهر جت حزة الغداء وتجمعو كل افراد العائله
الاب: وشلونكم ياعيالي ؟؟
الابن الصغير: يبه ترا حصه كانت بترميني من من الشباك اليوم
حصه تناظر اخوها وماسكه الشطه: امزح معه يبه
رنيم: يبه ممكن نروح للحديقه بعد العصر..؟؟
حصه بصوت عالي: لالالالا وش حديقته ,, نبي نروح للبر وش رايك يبه.؟
الابن الصغير: لالالالا نبي نروح للملاهي ازين
الاب : لالا اليوم انا مشغول وبعطيكم حريتكم كل واحد منكم يروح للمكان اللي يبيه
طبعا بعد الغدا رنيم راحت تسمع موسيقى وتاخذ قيلوله
وحصه الله يهديها الساعه 2 الضهر رايحه مشي لبيت خوالها بنفس حارتهم(تتشمس برتني سبيرز)
بعد المغرب
رنيم رايحه مع السواق للمول ومرت ستار بوكس واخذت كافيه ومرت صديقاتها عازمتهم على عشاء خفيف
وحصه راحت مع بنات خالها لحراج بن قاسم وبعدين راحوا لاسواق حجاب
السهره
رنيم ماخذه ريموت التلفزيون وجالسه تتفرج على فلم رومانسي لـتوم كروز
شوي دخلت عليها حصه كأنها غارة جوية وتحط مخده على الارض وتنسدح وتغير القناة بأصبع رجلها
حصه: اقول بلا افلام رومانسية بلا خرابيط,, وتحط فلم رعب وتجلس تأكل باضافرها
وتبداْ الهوشه بين حصه ورنيم اليييين اتفقوا يغيرون ويحطون على قنوات اغاني كليب
طبعا رنيم جالسه تتفرج على كليب وائل كفوري يارا ( صدفه)
وتزعل حصه وتغير القناة ( طبعا باصبع رجلها كالعاده) وتحط كليب لشعبان عبدالرحيم
وتبدا الهوشه من جديد
وجتهم الام وقالت خلاص بلاش تلفزيون كل وحده تروح بمكان
زعلت رنيم وراحت جلست بحديقة البيت وجلست على كرسي هزاز وتقرأ مجلة سيدتي
وحصه راحت للحوش ماخذه معها بساط احمر مقلم بأزرق ومعها ترمس شاهي وفصفص وتقرا جرايد....
الييييييين جات حزة النوم وكل وحده راحت لغرفتها
ومن بكره تبدا احداث جديده
مع الرومانسية رنيم والدفشه حصه....
موضوع: لاتفوتكم يوميات رنيم وحصيصLOOOOOOOOOOOOOOL 
الجمعة أبريل 11, 2008 2:24 am
